مشترياتي

 

 طبعاا هالعطرين شريتهم من الجوثن 

اليمين ماكان ببالي وكنت رايحه عشان جفنشي 

واخر لحظه وانا احاسب قالتلي شمي هذا يمكن يعجبج واول ماشميته تسبهت وقلت ياويلتي ويلاه  وخذيته على طووول مع اني مااحب راعيت العطر الي رازه روحها بصوره 

                                                

                                 اهني رزيت عطري معاهم  حسافه لو ارز فيسي معاه احسن من هشقره الي وياه

             وهذا ثاني شكله كشخه وريحته دماار حتى اخر واحد وخذيته         

                               يعني اذا تبون الصج جفنشي حلو وشكله حلو وينحط معاج بالجنطه بس الثاني ارخص منه واحلى 

 منه سعره 27 اذا ماخاب ظني وطبعا الحجم الكبير 
جربوووه 

THE BODY SHOP

                                                       اليمين نسائي واليسار رجالي وكلهم حقي'
                                                       طبعا استغربتو انه الرجالي حقي انا اقولكم ليش ؟؟
            لانه ريحته على مسك وانا امووووت بالمسك وغير جذي ذكرني بالمسك الي بالقرشي بس هذا خفيف مو مركز حييل

                                                        مرطب وسنفره وكريم والباجي معروفين
                                                                     لووووووووووول

(( عـــيدكــــم مبــــارك )) اشلونكم يالله قولولي جم يمعتو اجياس لحم خنشوف منو اكثر واحد ^_^

مشترياتي

طبعا هذي مشترياتي من شهر تقريبا وراح انزلها الحين لكم ادري المفروض اول بأول بس كنت واايد مشغوله 

اليكم موجز الصور   

 

 هذا جيتاري بغيت اموت لو ماشريته :P

 ترى مااعرفله لي الحين بس اتعلم له راح اعزفلكم اسباني ^_^

  هذي من كليرز عجبني فيهم اشكالهم وبعدين خفيفه اخذها معاي بالجنطه عشان اضبط عالسريع  طبعا انا عندي منهم قبل بلون البنك .. بس مادري ليش؟؟ قبل كانت معاهم فرشه الحواجب هذي مو معاها

 وطبعا مع صبغ الاظافر اول ماجربتهم اعجبوني ولما شريتهم بالبيت اول مااحط اللون حلوو بعدين يقلب يصير جابي مو حلو اما العنونو الوردي لي الحين ماحطيته

 من سنتر بوينت 

  maybelline رقم 10 ناسيه جم سعرها 

لونها حلو وطبيعي

  هذا اكثر شي حبيته من الي شريتهم  اهوا كحل سائل مع فرشته الي عجبني فيه يساعد عالرسم عجييب 

  مسكرا حلوه تكثف وطول وتفرق الرموش من  loreal

  الي عاليمين من loreal 201 صايره على لمعه شوي اما البنك الي عاليسار ياحلاته والله منrimmel 140لونها جدا جميل احلى من الصوره

 بدوره برونز شريتها كله من اختي امدحتها لي وخذيتها بس ماعجبتني وطاحت بجبدي :(

حسيتها واايد ثقيله 

  واخر شي ختمتها كابتشينو عالطاير D:

 

 

                                                                      

مااستغني

هاي شلونكم ادري طولت واااايد وانا مو منزله شي واول شي راح ابدي فيه  الي اهوا الاشياء الي مااستغني عنها واخليكم مع الصور :-)


1- الكوفي 
تدور يعني شنو!!  يعني شي اساسي مااستغني عنه بحياتي وماعندي نوع معين كل انواعها احبهم وعشان جذي نص وقتي تلاقوني طايحتله تقهوي بــ
 
واذا مالي خلق اطلع من البيت اقزرها نسكافيه ولا قهوه فرنسيه واذا ضاقت فيني وحاشتني ازمه
لووول حلوه هذي امشي حالي بقهوه عربيه المهم مااستغني عنها


2- احب اسمع واايد اغاني بــ


  

ملاحظه :الصوره من النت لان ماصورته نسيت :$ 


3-(صبغ الاظافر وماادراك ماصبغ الاظافر) من كثر مااحبه ماكو لون مو عندي لي درجه هوس فيني لازم اخلص على كل اللوان *-^
وهم راح احط لكم صور من النت 
الله يخلي قوقل الله يخليه لامه :P




4- اي صح تذكرت في شي كل مايخلص ايب منه ماادري ليش احب ريحته صح عندي غيره بس هم لازم  يكون موجود تدرون شنو 

  

فعلا the one 
5- احب الرياضه والمشي والحركه عموما انا وحده  ماحب القعده والكسل اسمله علي والله يتممم علي عافيتي ^_^ 
 وبس ماابي اطول وايد ادري ماانعطى ويه  وقرقتي ماتخلص:P 
واذا تذكرت شي عن نفسي راح ارجع واقوول

 سلام عليكم
طبعا هذي اول مشاركه لي واول مدونه اسويها وحبيت ابديها بهالحكمه الي حبيتها وايد  وحسيت انه احنا قاعدين نفتقدها هالايام  ونفتقد الصداقه الحقيقيه وعشان جذي قلت لازم يكون عندي اصدقاء حقيقين يكونون معاي بهالمدونه ويوقلولي رايهم عن الصداقه وعن اسباب الي خلتنا ماقمنا نعترف بالصداقه ولا قمنا نفهم معناتها !! وصارت الثقه بصديق شبه معدومه او عابره يعني فتره وتعدي !! وابي اسمع راكم بهالموضوع ؟؟ :$ 
وهذي اهيا الحكم وحسيتها تعبر الصداقه الحقيقيه
((لا تمشي أمامي فربما لا أستطيع الحاق بك، ولا تمشي خلفي فربما لا أستطيع القيادة، ولكن إمشي بجانبي وكن صديقي))

((الصداقة نعمة من الله وعناية منه بنا))


((الصديق هو الشخص الذي يعرف أغنية قلبك، ويستطيع أن يغنيها لك عندما تنسى كلماتها.))

((الجميع يسمع ما تقول.الأصدقاء يستمعون لما تقول، وأفضل الأصدقاء يستمع لما لم تقل.))


((إذا قر أصدقائي القفز من فوق الجسر فإني سوف لن أقفز معهم، ولكن سوف انتظرهم تحت الجسر لأتلقاهم))


((الصديق الحقيقي هو الذي يمشي إليك عندما باقي العالم يبتعد عنك))


((الصداقة كصحة الإنسان لا تشعر بقيمتها النادرة إلا عندما تفقدها))